ہندوستان میں بارود فیکٹری میں دھماکہ سے 4 افراد ہلاک

مہر خبررساں  ایجنسی نے ہندوستانی ذرائع کے حوالے سے نقل کیا ہے کہ ہندوستان کے چتوڑ گڑھ ضلع کے راوت بھاٹا میں واقع شری پورا بارود فیکٹری میں دھماکہ ہوا ہے جس کے نتیجے میں  ابتدائی اطلاعات کے مطابق 4افراد ہلاک درجنوں افراد زخمی ہوگئے ہیں ۔ ہندوستانی  نجی ٹی وی چینل ای ٹی وی  کے مطابق چتوڑ گڑھ ضلع کے راوت بھاٹا میں واقع شری پورا بارود فیکٹری پر اسرار دھماکے میں تباہ ہو گئی ، دھماکہ اتنا شدید تھا کہ تین منزلہ عمارت فوری طور پر زمین بوس ہو گئی ،دھماکہ ہوتے ساتھ ہی ہی علاقے میں افرا تفری مچ گئی۔ ابتدائی اطلاعات کے مطابق  اس حادثے میں 4افرادہلاک جبکہ کئی زخمی ہو گئے ہیں۔ دھماکہ اتنا زبردست تھا کہ تین منزلہ عمارت زمین بوس ہوگئی۔ حادثے کی اطلاع ملتے ہی راوت بھاٹا پولیس جائے واقع پر پہنچ گئی ہے۔